ژنیگ پەیکەریگ هەزار ساڵە وە ئەرزان سینێد

شەفەق نیوز/ ژنیگ پەیکەر سەر ئایەمیگ وە نرخ ئەرزانیگ سەن، ک تەنیا چەن دە دۆلاریگ بوی، ئمجا ئەرا ئاشکرا بوی ک خوەی بویەسە خاوەن پارچەیگ ئاسەواری گرانیگ لە سەردەم ڕۆمانی.

لۆرا یونگ، خانمە بازرگانیگ ئەمریکی کار لە ئەنتیکە کەێد، ئەو پەیکەرە وە ٣٥ دۆلار کەفتە دەسی، لە پێشانگایگ ئەنتیکە لە شار ئۆستن سەروە ویلایەت تەکساس سەنەی، باوجی ئاگا نەیاشت ک میژوو ئەو پەیکەرە رەسێد نزیکەی هەزار ساڵ.  

لۆرا وت: ئەو پەیکەرە ک کیشەگەی رەسێدە ١٣ کێلو گرام لەبان زەوی بویە، لەژیر مێزیگ، و دیار بوی ک فرە کۆنەس.  

ئیجا دویای مینەکردن، لۆرا زانست ک پارچەیگ لە سەردەم جولیۆ کلاودیان رۆمانی سەنیە، ک پەیکەر سیاسەتمەدار و سەرکردەی سەربازی نیرۆ کلاودوۆس دروسوس بوی.   

ئیجا دەرکەفت ک پەیکەرەگە لەناو خشتەیگ سەد ساڵی لە موزەخانەی ئەڵمانیا توومار کریاگە.