مانگ لە زەوی دویرەو کەفێد و رووزگار درەیژەو بوود
چەنای چەنیگە وتنە مانگ هەر لە خود ئەو دویریە لە زەوی مەنیە، چوینکە هاز کیشان ناوبەینیان هیلێد هەر لەو دویریە بوود، وەلێ ئیرنگە، ناسا ئویشێد: زانایل ئەو دویریە وەیەک شیوەیی نیەزانن.
ک ئویشن: مانگ وەرجە سەدان ساڵ فرە لە زەوی نزیکتر بوی لە ئیسە، و هەمیش ئەوە ئەرایان ئاشکرا بوی ک چەنیگ مانگ لە زەوی نزیکتر بوود، رووزگار بان زەوی کوڵترەو بوود.
زانایل مەزەنە کردن ک وەرجە ١.٤ ملیار ساڵ رووژەگە لەبان زەوی تەنیا ١٨ ساعەت بویە، و یە فرە لە ٢٤ ساعەت ئیسە کەمترە.
پڕۆفیسۆر ستیڤن مایرز لە زانکۆی ویسکۆنسون مادیسون ئویشێد: تەما داشتیمن وە گەردوون وەخت و مەوقەیل گوزەشتەی دویر بزانیمن، تا بڕەسیمنە پەیمانەی رووزگار جیوڵۆجی فرە کوینە.
وەگورەی ئەنجامەیل، زانیمن ک هەر ساڵیگ مانگ ٣.٨٢ سانتیمەتر لە زەوی دویرەو کەفێد، ئەراوە هەنای مانگ دویرەو بوود، بڕیارە رووزگار لەبان زەوی درویژەو بوود.
