ماشینیگ توانای بڕین نیم جهان وە یەک لەتر سووتەمەنی دیرێد

شەفەق نیوز/ خوەنەوارەیل زانکۆیگ توێنستن ماشینیگ دروس بکەن توانای بڕین نیم جهان وە تەنیا یەک لەتر لە سووتەمەنی دیرێد، وەگورەی ماڵپەڕ «ئۆدیتی سەنتیڕاڵ».

وەگورەی ماڵپەڕەگە، ماشین eximus IV توێنست ژمارەیلیگ پەیمانەیی لە خەرجکردن توانای سووتەمەنی تۆمار بکەێد، لەوەخت بەشداری کردنی لە پێشبڕکی «دیلسبلو ئلیکتڕیک» لە سوید.

ئەو پێشبڕکیە ک وەرجە ٤ ساڵ دەسکردکەسە پی، تاقی ماشینەیلیگ کەێد لەبان سککەی ئاسنگ تا ٣،٣٦ کێلومەتر ری کەن، ئەرا مقەیەتی لە وەرخودان غلەوبوین تا خوارترین ئاست، وەگەرد هەڵگردن شەش کەس، وە ٥٠ کێلوگڕام جوور کیشیگ ناوڕاسین، و ئیجا پەیمانەی خەرجکردن وزەگە لەلایەن ماشینەگە کەێد وە پەیمانەی وات/ساعەت، ئەیجا بەشەو کریەێدە بان سوارەیل ماشینەگە.

لە یەکەم ساڵ ئەو پێشبڕکیە، ماشین Eximus IV  وە پلەی یەکەم سەرکەفت، و توانای سەرنج ڕاکێشیگ رەسیە ٠،٨٤٠ وات/ساعەت ئەرا هەر کەسیگ لە یەک کێلومەتر، تا ساڵ لەشوون ساڵ ژمارە پەیمانەیەگانی خاسترەو بوی.