لەناویانیش قەيکریایەگە.. مەزەنەیل نرخەیل مۆبایلەیل ئایفۆن نوو

شەفەق نیوز- وەدۊاکەفتن

ماڵپەڕ "سی نێت" تەکنەلۆژی، ئاشکرا لە مەزەنەیلی ئەرا نرخەیل وەشانە نووەیل لە مۆبایلەیل ئایفۆن کرد، کە مەزەنە کرد نرخ ئایفۆن پرۆ وە 1299 دۆلار دەس وەپی بکەێد، وە مدوو بەرزەوبۊن سەخت لە خەرج پێکهاتەیل هۊرکان و کەمبۊن چیپەیل هۊرمان رەسین هەڕەمەکی.

مەزەنە کریەێد ئەپڵ لە زنجیرەی ئایفۆن 18 مەوقەی رۊیداوە چەوەڕیکریایەگەی لە مانگ ئەیلول/سێپتێمبەر ئاشکرا بکەێد، بیجگە لە یەکەم مۆبایل ئایفۆن قەیکریاگ، کە راپۆرتەیل ئاماژە کەن ئەرا ئەگەر خستنەڕۊی وە ناو "ئایفۆن ئۆڵترا".

کۆمپانیای "ترێند فۆرس"، تایبەتمەن لە ئاست جەهانی لە لێکۆڵینەوەیل بازاڕ، راپۆرتیگ دەرکرد کە دەسنشان کەێد هاتێ وەکارهاورەیل  رۊوەڕۊ بەرزەوبۊنیگ لە نرخەیل بوون لە جیای شکاننەیل گەورا.

کۆمپانیاگە مەزەنە کەێد کە نرخەیل زنجیرەی ئایفۆن 18 وە ریژەیگ لەناوەین 10% و 20% بەرزەو بوود، وە مدوو کەمبۊن وەردەوام لە چیپەیل هۊرمان هەڕەمەکی (RAM) و بەرزەوبۊن خەرج پێکهاتەیل ئامێرەیلە.

وت کە خەرج هۊرمان لە جۊر پرۆ وە فراوانی 256 گێگابایت ماوەی چارەک سێیەم لە ساڵ 2026 مەزەنە کریەێد وە نزیکەی 400% بەرزتر بوود لە وەراورد وەگەرد خود ماوە لە ساڵ گوزەشتە.

بەشیگ لە شیەوکەرەیل بڕوا دیرن کە نرخ مۆبایل ئایفۆن قەیکریاگ، ئایفۆن ئۆڵترا، شایەت لەناوەین 2000 و 2500 دۆلار بوود، باوجی ترێند فۆرس مەزەنەی نرخیگ سەرەتایی کەمیگ بەرزتر کەێد، لەناوەین 2099 و 2299 دۆلار، وەگەرد ئەگەر رەسین نرخ مۆبایلەگە ئەرا 3000 دۆلار.

لەباوەت جۊرە پیشکەفتگەیل لە ئایفۆن 18، "ترێند فۆرس" مەزەنە کەێد کە نرخ iPhone 18 Pro لە مەودایگ لەناوەین 1199 و 1299 دۆلار دەس وەپی بکەێد، لە وەختیگ هاتێ نرخ iPhone 18 Pro Max لەناوەین 1299 و 1399 دۆلار دەس وەپی بکەێد، باوجی بەرزەوبۊن خەرج وە  واتەی خاسەوکردن گەورا نیەێد.

وەپای کۆمپانیاگە، نیەوود وەکارهاورەیل چەوەڕی بازداینیگ گەورا لە ئاست کارکردن پێکهاتەی ئایفۆن هاتگ بکەن، لە جیای ئەوە، مەزەنە کریەێد ئەپڵ فتراق بخەێدە بان چارەسەرکەریگ هازدارتر ئەرا دابینکردن توانایەیل خاستر لە زیرەکی دەسکرد و کارایی بەرزتر لە وەکارهاوردن وزە، بیجگە لە تەکنیکەیل خاسەوکریاگ ئەرا سارکردن چیپەیل و شاشەیەیل کاراتر لە وەکارهاوردن وزە.