ئیلۆن مەسک پلەی یەکیەمنین دەوڵەمەنەیل جەهان لەدەس دەێد

 مەسک خاوەن ماڵپەڕ تویتەر ئەرا پلەی دویەم داوەزیا، دویای ئەوەگ ٣٩ ملیار لە سامانەگەی لە ماوەی ساڵ گوزەشتە لەدەس دا.

پویلەگەی مەسک، ٥١ ساڵە، وە نزیکەی ١٨٠ ملیار دۆلار مەزەنە کریەێد.

گوڤار فۆربس ک ساڵانە لیست دەوڵەمەنترین کەسەیل جەهان بڵاو کەێد، دیاری کرد ک سەنین تویتەر وەلایەن مەسک هیشت تیەریل کۆمپانیای تسێلا نزیکەی ٥٠ لە سەد داوەزێد.

ئەرنۆ، لە تەمەن ٧٤ ساڵان، ک کۆمپانیای بنەماڵەگەی مارکەیل گرانبەها دیرێد، جویر Louis Vuitton و Christian Dior و Tiffany & Co، ئەرا یەکەمین جارە وە ٢١١ ملیار دۆلار ئەرا پلەی یەکەم باز کوتا.

ئەو ملیاردێر فەرەنسیە، لە ماوەی ساڵ گوزەشتە، توەنست ٥٣ ملیار دۆلار بخەێدە بان سامانەگەی، ک تا ئیسە هویچ دەوڵەمەنیگ ئەوە وەپی نەکریاگە.

جیف ببزۆس، خاوەن گەپ بازرگانی ئەلیکترۆنی "ئەمازۆن"،  وە ١١٤ ملیار دۆلار هاتە پلەی سێیەم، دویای لەدەسدان ٥٧ ملیار دۆلار، ئەوەیش دویای داوەزین نرخ تیرەیل کۆمپانیاگەی.

لەی خوارە، لسیتیگ و یەکەمین دە دەوڵەمەن لە جەهان.

1. بیرنارد أرنو و بنەماڵەگەی (211 مليار دۆلار)

2- ئیلۆن مەسك (180 مليار دۆلار)

3- جيف بيزوس (114 مليار دۆلار)

4. لاري ئیليسون (107 مليار دۆلار)

5- وارن بافيت (106 مليار دۆلار)

6. بيل گيتس (104 مليار دۆلار)

7. مايكل بلومبرگ (94.5 مليار دۆلار)

8. كارلوس سليم حلو و بنەماڵەی (93 مليار دۆلار)

9- موكيش ئەمباني (83.4 مليار دۆلار)

10. ستيڤ بالمر (80.7 مليار دۆلار).