لە ئەمریکا.. داڵگیگ لەوەر خواردن کوڕەگەی هەڕەشەی تەقانن مەکتەویگ دەێد
شەفەق نیوز/ ئاژانس ئەسوشیتید پڕس خەوەری ئەمریکا، ئمڕوو یەکشەممە، باس ژنیگ کرد هەڕەشەی تەقانن مەکتەویگ ناوەندی داگە، چوینکە کوڕەگەی تیر لە خواردن نەویە.
میدیایل راگەیانن وتن: پۆلیس ئەمریکا ژنیگ لە ویلایەت فلۆریدا دەسگیر کرد، دویای تەومەتبارکردنی وە هەڕەشەی تەقانن مەکتەو کوڕەگەی، چوینکە خواردنیگ زیاتر تواێد. وەرپرسەیل رزگارکردن یاسا وتن: ئەو ژنە (ئەنایا سمیت ٤١ ساڵان) دەسگیر کریا، وە توومەت هەڕەشەی دروکانی ک گوایە بومبیگ لەناو مەکتەوەگە هەس.
پۆلیس دیاری کرد ک سمیت پەیوەندی وە مەتەو کاکاو کردگە، و پەیامیگ دەنگی پڕ لە ناونەسەق و قسەی بەد کل کردگە.
داڵگەگە لە توومار دەنگەیگەی هەڕەشەی تەقانن مەکتەو کوڕەگەی داگە ئەگەر خواردنیگ خاستر وەکوڕەگەی نەیەن.
راپۆرتەیلە وتنیش: دویای هەڕەشەی داڵگەگە وە تەقانن مەکتەوەگە، مەکتەوەگە چووڵ کریا، و هویچ بومبیگ پەیا نەوی.
ئەنایا سمیت لەناو پەیامەگە ئاشکرای خوەی نەکردیە، باوجی وە شمارەگەی ئاشکرا بویە.
توومتبارەگە وتیە من بیگوناهم، و ئیجۊر قسەیلیگ نیەکەم، و ئەو شمارە هن من نییە.
