کۆڕیگ لە میژوو خانەقین لەناو قاوەخانەی میلکان
شەفەق نیوز/ فەرمانگەی رووشنهویری خانەقین سەروە حکومەت هەرێم کوردستان، ئیوارەی ئمڕوو شەممە، کۆڕیگ لەباوەت کلتوور شار خانەقین وەڕیەو برد.
پەیامنێر ئاژانس شەفەق نيوز ک ئامادەی ئەو کۆڕە بوی ک لەناو قاوەخانەی میلکان کەلتوری وڕیەو چگ وت: لە کۆڕەگە هونەرمەن شیوەکار ماجد شالیار وەڕیەوبەر مۆزەخانەی خانەقین و ناوەند کەلتوری خانەقین ک لەی دویاییە سەردان وڵات پۆڵەندا کرد، باسیگ ئەرا ئامادەبویەیل کۆڕەگە لەو باوەتە کرد.
ماجد شالیار لە قسەیلی ئەرا ئامادەبویەیل ناو کۆڕەگە وت: ئەو دەرفەتە ئەرام هات، وەرجەیە لە هویرمانم نەویە، لە هویرمانم نەوی ئەو گرنگیە ک وە شیوەزار خوارگ لە خانەقین دایمنە، لەناو موزەخانەی ئەسنوگرافی ک ئامادەی بویم، کەسەیلیگ لە وڵات پۆڵەندا گرنگی وەپی دانە، و وەپیان خوەش بوی ک جویر کوردیگ لە خانەقین سەردانیان بکەم.
هەرلیوا، شالیار ئەرا ئامادەبویەیل کۆڕەگە وت: کەسیگ لەناو موزەخانەگە ئاگا دیرێد من لە خانەقین هاتمە، وەپیم وت: بەو تا ئی چشتە نشاند بیەم، ک نووڕستم سێ کڵاو لەناو موزەخانەگە لە خانەقین لە ساڵەیل چلەیل چنیایە، منیش هەس ئەڵاجەوییگ کردم، و هەس وە شانازی گەورەیگ کردم، هەمیش چەوم کەفتە چشتەیلیگ لە کرماشان وئیلام و هەولێر دروس کریانە.
لەناو کۆڕەگە باسیگ لە کلتوور و میژوو شار خانەقین و شیوەزاری کریا، وە بەشداریکردن بەشیگ لە ئامادەبویەیل.
