لەسای دویرەوکەفتن کۆمەڵایەتی.. چێشتخانەیگ خواردن شام خەێدە بیاوان
شەفەق نیوز/ گردەوبوینەگان و بۆنە کۆمەڵایەتیەگان لەناوبەین دیوارەیل بەسیاگ چێشتخانەیگ یا هووتێلیگ لە ساڵ ٢٠٢٠ لە سای دویرەوکەفتن کۆمەڵایەتی و تەمەبل لەماڵ مەنین بوینە چشتەیل ئەڵاجەوییگ.
ئیسەیش، وەگەرد شلەوکردن هووشیار ریکارەیل ڤایڕۆس کۆڕۆنا، بەشیگ لە ناوچەگان لە جووراجور وڵاتەگان ری وە گردەوبوبنە بویچکەگان دەن، وەمەرج ژمارەی دیاریکریاگ ئەرا کەسەگان، و پابەندی وە دویرەوکەفتن کۆمەڵایەتی.
لەی شوونە ک ژیان دەیشتەکی بیاوانی هاناوی، کامپ «سونارا» تاقیکردن خواردن جیاکریاگیگ لەناوڕاس بیاوان پێشکەش کەێد، و دویر لە ژیان قەڕەباڵغی شارەگان.
ستیڤانی دانیال دامەزرێنەر کامپەگە
ئەرا ماڵپەڕ cnn عەرەوی ئووشێد: چوونکە خوەی شوونیگ دەیشتەکیە، واتە دویرەوکەفتن کۆمەڵایەتی لە بیاوان گونجیاگە، ک شوونەیل گەورایگ لەناونی میوانەگان هەس، وهەر میوانیگ شوون دانیشتن تایبەت خوەی دیرێد، و مێزەگان دویر لەیەک دانریانە.
دانیال دووپاتکردک بیاوان خوەی گونجیاگترین شوونە ئەرا دویرەوکەفتن کۆمەڵایەتی چوونکە شوونەیل دەیشتەکی فراوانیگ هەس، ری وە گردەوبوینە ئارامەگان وە گەرد برادەر و خیزان دەێد.
بیجگە پێشکەشکردن خواردن، تاقیەیل جیوازیگ لە کامپەگە وەدەس کەفێد، جوور هەلکردنیگ وە گەرد داڵەگان.
لە کامپەگە ناچار نێەوی تا لەلای پەنجەرەگە دانیشی تا بکەفیە لا دیمەن رەنگینیگ، ک لە گشت وەختەگە ئەو دیمەنەیلە هانە چواردەور، و دانیال دیارییش کرد ک کامپەگە تەنیا وە ژیان سروشتی پڕە.
