کلیسەیگ تا ئیسە کەس نێزانید چۊین دروس کریایە

شەفەق نیوز/ یەکیگ لە ئەڵاجەۊترین کڵێسایەیل ک بەرزترین کڵێسایە لە جەهان لەبان کۊیەیگ ستوونی بەرز وە بەرزی 40 مەتر لە ئاوای Katskhi لە ناوچەیگ ک وەپی ئۊشن Imereti لە ناوەن جۆرجیا ک ئیسفا کەێمن سەر قەوقاز دروس کریایەە ک مێژووەگەی چوودەو ئەرا مابەێن سەدەی نۆیەم و دەیەم، ک ئۊشیەێد بڕیگ مەرم خوەیان لە جەهان پەراوێز خستیە و ئەو کڵێسا دروس کردنە، باوجی کی بۊینە ئەوانە و ئەرا چە دروس کریایە تا ئیسە کەس ئەو جواواوە  نەیرێد.   

  نادیاری و چیرۆک ئەفسانەیی فرەیگ دەربارەی ئەو کڵێسا  باس کریەێد ک وەناوبانگە وە "ستوون کاتسکی"، ساڵانە مەوقەی جەژن زاینی  هەزاران کەس سەردانی کەن و گشتیان ئەو پرسیارە کەن چۊین ئی کڵێسا لەو بەرزییە دروس کریایە و وە چ خوازینیگ دروس کریایە  چۊنکە ئەو وەختە هۊیچ کەرەسەیگ پیشکەفتگ نەۊیە ئەرا بەرزەوکردن پێداویستیەیلە.    

پانی کڵێساکە 150 مەتر چوارگۆشە بوود، بڕیگ ئۊشن "ستوونی کاتسکی" فرە کۊنەترە لەوەگ مەزەنە کرێد و لە نوان سەدەی شەشەم و هەشتەم دروس کریایە واتا 1400 ساڵ وەرجە ئیسە، لە ئیسە کەس ئەرای نییە بچوودە ناو ئەو کڵێسا تەنیا قەسەیلە نەوود ئەویش لە ری پا پاچینەیگ ئاسنین باریک ک لە کنار کۊیەگە دروس کریایە.