پلەی گەرمی لە سەردترین شارەیل جەهان رەسێدە چەن؟
شاریگ هەس، کەفێدە کۆمار یاقوتیا لە رووسیا، پلەی گەرمی لەناوی رەسیە ٥٠ پلەی سیلیزی خوار سفر.
شار یاکوتسک لە خوەرهوڵات سەیبیریا، ک وە یەکیگ لە سەردترین شوینەل جەهان دریاسە قەڵەم، شیوەی سەردیەگەی سرووشتی نییە.
مانگ کانوون دویەم لەو ناوچە لەگشتی سەردترە، هەرچەن خەڵکەگەی لەبان سڕ و سەردی چاشیانە، وەلێ هەمیشە چشتەیل گەرمەوکردن ئامادە کەن.
یەکیگ لە خەڵک شارەگە، دوو پاڵتاو پووشیە، و چەن قاتیگ دەسکیش، و کڵاو و بەتیە، ئەرا رۆیتەرز وت: نیەتوەنێ نوای سەردی بگرێ، یا ئەوەسە خاس بکەێدە وەر، یا کەفێدە زیان.
ژنیگ لە خەڵک شارەگە، ماسی فرووشێد، ئویشێد، بایەتە چەن قاتیگ پڕتاڵ بکەێدە وەر،
جی باسە ک ساڵ ٢٠١٨ لە یاقوتیا ک کەمتر لە یەک مەلیۆن کەس لەناوی نیشێد، خەڵکەگەی ئویشن ئەو ساڵە سەردیەگەی بژانگمان کردە یەخ.
لە یاکوتسک، ک شمارەی دانیشتگەیلی رەسێدە نزیکەی ٢٨٦.٥ هەزار کەس، هاتێ لە پەیمانەی رووس وەرز زمسان لەناوی بوودە سەختترین زمسان.
لە راپۆرتیگ وەلایەن سایت رووسیا تودەی، لە ١١ی ئی مانگ کانوون دویەمە وت: پلەی گەرمی لە یاقوتیا رەسیە ٦٥ پلە خوار سفر.
وەگەرد ئەوەیش، پلەی گەرمی لە ئاوای جیلیندا لە یاقوتیا رەسیە ٦١ پلە خوار سفر.
