لەری مۆبایل ئەندرۆێدەو توەنرێد مەزەنەی وەرجەوەختەی رویدان زەیلەرزە بکرێد

شەفەق نیوز/ توێژەرەیل ئەوزەڵ وە سیستەمیگ دانە، ئەو مۆبایلەیلە وە سیستەم ئەندرۆید کارکەن، ئاڵشتکەێد ئەرا ئامێریگ دەسنیشانکردن وەرجەوەختە ئەرا رویدان زەویلەرزە و بوودە رییگ زویتر ئەرا ئاگادارکردن مەردم.

سیستەمەگە وەلایەن توێژەرەیل گوگڵ و ئاژانس جیۆلۆجی ئەمریکا ئەوزەڵدریاس، داتای ملیۆنان مۆبایل وەکارتیارێد تا سیگناڵ پیشوەختەی زەویلەرزەیل دیاریبکەێد.

 هنای بڕیگ ئامێر هەمان جویلەی زەوی توومارکەن سیستەمەگە ئاگادارکردن ئەرا کەسەیل ترەک نزیک لەو ناوچە کلکەێد، توێژینەوەگە کە لە گۆڤار ساێنس بڵاوکریاس، ئاشکرایکردیە، لە ماوەی مانگیگ 300 زەویلەرزە دەسنیشان کردیە.

 گوگڵ ئاشکرایکردیە، سیستەماگە چەن چرکەی وە نرخەیگ وەخشێد وە مەردم کە بەسە تا لە پاچینەیل داوەزن یا لە شوین رخدار دویرەوبکەفن.