كۆمپانیای مێرسیدس-بێنز یەرهەمکاری نوو له‌ ئه‌ڵمانیا وسنێد

شەفەق نیوز ـ وەدویاچگن

كۆمپانیای مێرسیدس-بێنز فیشارەل لە دانوسانەیل کڵمکردن بڕ خەرج وەرد ئەنجومەن کراکارەیل و سەندیکای جی میتاڵ تونتر کرد و وسانن گشت بەرهەمکاریە نوویەیلی لە ئەڵمانیا راگەیان.

مایكڵ شیبێ ئه‌ندام ئه‌نجومه‌ن كارگێڕی  كاروبار به‌رهه‌مهاوردن له‌ مێرسیدس-بێنز راگه‌یان پێكهاته‌ی ئیرنگەی خەرج ری وه‌ بەرهەمکاری نیەیەێد و خەرج ساعەتەیل كار له‌ بڕیگ كارگه‌ی ئه‌ڵمانیا رەسێدە پەنج چەنە خوەرهەڵات ئه‌وروپا، وەبی رێکەفتن نوویەیل  له‌ دەوروگەرد به‌رهه‌م تێد.

وەپای به‌رنامه‌ی "پەلامار به‌رهه‌مهاوردن" كۆمپانیاگه‌، كارگێڕی داوای زیایكردن كار هه‌فتانه‌ له‌ 35 ئەرا 40 ساعەت وەبی  زیایكردن موچه‌ و كه‌مكردن پاداشته‌یل کەێد، باوجس ئه‌نجومه‌ن كراكارەیل و ئای جی مێتاڵ رەدی کەن  و داوای 5٪ زیایكردنی موچه‌ كه‌ن.