فرووشتن گوڵدانیگ چینی وە ١،٨ مەلیۆن دۆلار
شەفەق نیوز/ پیاویگ گوڵدانیگ وەنرخ ئەرزانیگ سەن تا بنەێدەی ناو ماڵ، لەی دویاییە لە بانگەشەی فرووشتن ئاشکرایگ لە لەندەن پایتەخت بەریتانیا وەنرخ ١،٨ مەلیۆن دۆلار فرووشیا.
تووڕ "سی ئێن ئێن" ئەمریکی، ئمڕوو پەنجشەممە، وت: میژوو ئەو گوڵدانە چوودەو ئەرا سەدەی هەیشدە، و نرخ ئی پارچەی ئەنتیکەی تڵاکریایە لە سەرەتا وە ١٨٦ هەزار دۆلار مەزەنە کریا.
کۆمپانیای "دراویتس" ئەرا فرووشتن ئاشکرا ک ئی گوڵدانە فرووشتیە وت: ئەو کەسە ک ئی گوڵدانە فرووشتیە لە میراتی باوگی کەفتیەسە بەشی، ک باوگی پزشک نەشتەرگەری بویە، لە ساڵەیل هەیشتایلە وە موفت سەنیەسەی.
وتیش: ئەو کابرا نەزانستیە نرخی چەنیگە، ک لەناو ماڵ داناسەی، تا کەسیگ پسپۆڕ سەردان ماڵی کردیە و زانستیە یە ئەنتیکەی گرانیگە.
وتیش: ئەو گوڵدانە ک بەرزیەگەی رەسێدە دوو پا، موهریگ وە شەش پیت لەقەیی کریاگە، چوودەو ئەرا سەردەم چیان لۆنگ ( ١٧٣٦ - ١٧٩٥).
