فرووشتن شەویەگەی شازادە دیانا.. وینە
2023-01-29T11:36:18+00:00
شەفەق نیوز/ شەوییگ هن شازادە دیانای کووچکردگ، ک لەناو وینەیگ شاهی لە ساڵ 1991 لە وەری بویە، و ڤیکتۆر ئیدلشتاین دیزاینی کردیە، وەبایی 604.800 دۆلار لە نیویۆرک فرووشیا.
کۆمپانیای زیایکردن ئاشکرا (سوزبیز) وت: ڕوو نرخ وە پەنج قات لە مەزەنەی فرووشتنی زیاتر بوی.
ئەو شەویە یەکەمین جار لە ساڵ 1997 دیار دا، هەنای شازادە دیانا وەرجە چەن مانگیگ لە مردنی لەناو زیایکردن ئاشکرایگ خێرخوازی وەگەرد 79 شەوی دانادەی فرووشتن.
هونەرمەن دوگڵاس ئەندرسون وینەی شازادە دیانا وەی شەویە کیشاگە، ک لەناو هۆڵیگ لە خەسەخانەی رۆیاڵ ماردین لە لەندەن دانریاگە، ک چەن جاریگ شازادە دیانا سەردان و دەسمیەتی ئەو خەسەخانە داگە، و خوەییش لە ماوەیگ سەرۆکی بویە.
