"فریکس" رخبەرترین فلیم لە مێژوو
شەفەق نیوز/ فیلم "فریكس"، وە یەکیگ لە رخبەرترین فلمەیل دانرێد لە مێژوو ک ئەرا ماوەی 50 ساڵ قەیەغەی نمایشکردنی کریا، لە ساڵی 1932 لە ئەمریكا نمایشكریا، فلمەگە وەلایەن تۆد براونینگ دەرهاوریایە، فرەیگ لە دوینەرەیل نەتوەنستنە لە 15 خولەك زیاتر ئسفای بکەن، فرەیگ لە مەردم لەوەر رخ هۆڵەیل سینەما وەجی هیشتنە.
چیرۆك فیلمەگە باس لە خانمیگ کەێد ک بازیگەر سێركە، دویای ئەوەگ ئەرای دەرکەفێد وەڕێەوبەرەگەی پویل فرەیگ دیرێد، تواێد لەوەر پویل شوی وەپی بکەێد و مەوقەی ک دوسەیل وەڕێەوبەرەگە وەپی زانن تەقەڵا دەن ریگری لەلی بکەن.
ئەو کەسەیلە ئسفای ئەو فلیمە کردنە ئویشن فلیمە رخبەرەگان ئیسە فرە کۆمیدین وە چەو ئیە.
تەنانەت وە مەدووی ئەو شۆكەیلە هالەناو دیمەنەیل فیلمەگە چەن خانمیگ دوگیان کورپەگانیان لەدەسدانە، هەر وەی مدوویە دەرهێنەرەگە چەن دیمەنیگ لە فیلمەگە پاکەوکردیە و وەگەرد ئەوەش ری نەدریا نمایشبکرێد.
لە هەشتایل سەدەی گوزەشتە، كۆمپانیایگ بەریتانی کۆپییگ لەو فیلمە سەند، چەن دیمەنیگ توندوتیژی لەناوی بوی، ك هویچ كەسیگ لەوەرین هویر لەلی نەکردوی، هەر لەوەر ئەوە 30 خولەك لە فیلمەگە سڕیەسەو.
