عراق کەفێدە سەرەتای وەرز واران

شەفەق نیوز/ پسپۆڕ کەشناسی سادق عەتیە، ئمڕوو شەممە،  وت: ئەوەسا عراق کەفێدە یەکەم کاریگەری سەرەتای وەرز واران دۊیای ناوڕاس ئی هەفتە. 

عەتیە لە پۆستەگەی لەبان ماڵپەڕەیل پەیوەندییە کۆمەڵایەتییەکان نۊسان: مەزەنەس ک یەکەم سەرەتای وەرز واران لە عراق،بکەفێدە دۊیای ناوڕاس ئی هەفتە (سێشەممە وچوارشەممە) لەوەر هاتن هەوای سەردیگ لە قاتە بەرزەیلە، بوودە نائارامیی پاییزی، و شایەت بوودە هووکار وارین بەڵاچەیی سووکیگ ک ناوچەیل ئەنبار و نەینەوا و دهۆک و هەولێر و سەڵاحەدین گرێدەو. 

وتیش: شایەت کاریگەری نمە وارانیگ بڕەسێدە بەغداد پایتەخت و بەشیگ لە ناوچەیل فوڕات ناوڕاس.  

عەتیە وتیش: مەزەنەی داوەزین پلەی گەرمی لەی هەفتە نییە.