شایەت تەزین پووس چەن هەفتەیگ دۊای خاسەوبۊن لە کۆڕۆنا بمینێد

شەفەق نیوز/ فرە کەس نشانە باوەیل ڤایرۆس کۆرۆنا زانن، جۊر قوتە یا تەو، باوجی لەلای ئۆمیکرۆنیش  بڕیگ لە نشانەیلیگ تر هەس، ک وەگورەی پسپۆڕەیل؛ هەس وە تەزین لەبان پووس یا هەس چزداین جۊر دەرزی یەکیگە لەو نشانەیلە ک شایەت تا ماوەی فرەیگ دۊای خاسەوبۊن لە کۆڕۆنا بمینێد.    

وەگورەی دەزگای تەندروسی بەریتانیا NHS؛ دەرفەتەیل تۊشهاتن وە نشانەیل درۊژ ماوەیگ دیارە پەیوەندی وە ماوەی هەس وە بیماریەگە دیرێد، هەنای ئەرا یەکەم جار تۊش کۆرۆنا تیای، چۊنکە ئەو کەسەیلەگ نشانەیل سووکیگ وەپیان دیار بۊ، هیمان زیان لە گرفتەیلیگ درۊژ ماوەیگ وەخوەیان دۊنن. 

وەگورەی تەندروسی بەریتانیا؛ هەس وە چز و تەزین لەبان پووس یەکیگە لە نشانە درۊژ ماوەیلە ک شایەت دۊای کۆرۆنا وەردەوام بوود.   

ئەو نشانەیلە ک شایەت بوون، شەکەتی سەخت، تەنگە هەناسی، ژان سینە، گرفتەیلێگ لە هۊرمان و هۊرکردن، و سەختی خەفتن و زۊکوتان دڵ و ووڕی و ژان جومگەیل و دڵتەنگی و نیگەرانی و زڕنگە و ژان گووش. 

تەندروسی بەریتانیا باس نشانەیلیگ تر کرد دۊای کۆرۆنا ک شایەت هەس هووشچگن، زگچین، ژان گەیە، نەخوازین خوەراک، بەرزەوبۊن پلەی گەرمی، قوتە، سەرژان، قوڕگ ژان، ئاڵشتبۊن بوو و تام، لەپەر پووس.  

و بایەتە سەردان پزشک بکەێ ئەگەر لەباوەت نشانەیلە نیگەران بۊێ، دۊای چوار هەفتە یا زیاتر لە تۊشهاتن وە کۆرۆنا،  و شایەت پزشکەگە هەواڵەد بکەێدە وەشکین و تاقیکردن خۊن، ک شایەت دەسمیەتی لە دەرخستن کاریگەری کۆرۆنا لەباند بەێد، و چۊن چارەی بکەێ، و شایەت هووکاریگ تر لەی نشانەیلە بوود.