سەمایگ رووشنایی ئەرا دوو کونای سیا
شەفەق نیوز/ ئاژانس ناودەوڵەتی ئاسمانی «ناسا»، پارچە ڤیدیۆییگ نشان دا، لەناوی جوولەی رووشنایی کەڵەکەی (گاز و تووز گەردونی) لەدەورگرد دوو کونای سیا دەرکەفێد.
ڤیدیۆەگە وەشیوەی دوو کونا سیاگە دروس کریاگە هەکاتی دوو سوومای لفانە، هەنای یەکیگیان لەوەردەم ئەواکە رەد بوود سوومای کوناگە بوودە زنجیرە کەوانیگ وەزوی ئاڵشت بوود، لەوەر کیشمەکیش ناوبەینیان، و زاناگان ئووشن؛ کونا سیاگان توانا دیرن ئەو کەڵکەی تووزە تا مەلیۆنا ساڵ بیلنە قەرە، و جیرمی شنیتمان زانای فەلەکی وت: لەناو ڤیدیۆەگە نووڕێ ک یەکیگ لە کوناکان گەوراس ک رەسێدە ٢٠٠ مەلیۆن قەوارەی خوەری، و ئەواکە وە دوو جار بوێچکترە.
رەنگەیل سوور و کەوەگە لە راسیەو نزیکن، ک ئەو بەشە ک گازیگ فرە سویرتر دەرکەێد رەنگەگەی کەوەو بوود.
کیشەگە کاریگەری لەبان ری رووشناییەکان دیرێد و جوولە زویەگەی گازەگە لەنزیک کونا سیاگە بریقەی سووماگە راسەو کەێد، ک وەپی ئووشن سیمای دوبلەر.
