سەدان قەڵای رۆمانی نەناسریاگ لە عراق و سوریا
2023-10-28T07:11:08+00:00
شەفەق نیوز/ وەپای توێژینەوەیگ کە لە ئەمریکا ئەنجام دریاگە دیاریکەێد، وینەیل مانگ دەسکرد سیخوڕ جەنگ سەرد، دیاری پەیاکردن 396 قەڵای رۆمانیەیل کەن لە عراق و سوریا کە تا ئیسە پەیا نەکریانە.
توێژینەوەگە لە گۆڤار ئەنتیتیکی بڵاوکریاگە کە گۆڤاریگ ئەکادیمی شوینەوارناسی ناودەوڵەتیە، باس لەوەکردیە شوینەوارناسەیل وشکین ئەرا ئەو وینە ئاسمانیە کردیە کە لە ساڵەیل شەس و هەفتاگان گیریاگە، ئاشکەراکردیە 396 شوین قەڵای رۆمانی نەناسریاگ لە سوریا و عراق پەیاکریاگە.
شارەزایەیل شوینەوارناسی ئويشن، "وینەیل مانگ دەسکرد سیخوری جەنگ سەرد کە پۆلین نەکریاگە، رووشنایی نوو خستنەسە بان کارکردن ئمپراتۆریەت رۆمانی وە ئاشکەراکزدن سەدان قەڵای پەیانەکریاگ کە لە ساڵ 1934 وەلایەن ئەنتوان پۆیدێبارد، گەڕیدەیگ فەرەنسی ری فرۆکەگەی 116 قەڵا پەیاکردیە لەو شمارە تەنیا 38 دانەی توەنرێد دەسنیشان بکرێد وەپای توێژینەوەگە، و فرەیگ لەو قەڵایەیلە وە مدوو ئەوزەڵکردن شار و کشاوەرزی وەی دویاییە ویران بوینە و بڕیگیانیش هانە ژیر هەڕەشە".
