زانایەیل ملبەن نوویگ دروس کەن وای سەرد ئەرا لەش کل کەێد
شەفەق نیوز/ زانایەیل ئامێریگ دروس کردنە ک وە یەکەمین ملبەن دانرێد وای سەرد وە لەش بڵاوکەێد ئەرا هونککردن. ماڵپەڕ " ئۆدیتی سێنتراڵ" هەواڵ ئامێریگ سیستەم سەردەوکردن بڵاو کردیە ک شیوەی بازنیەییە، ناوی " The Metaura Pro"ـیە، ئەرا ئەوە دروسکریایە گرفت پلەی گەرمی بەرز چارە بکەێد.
ئی ئامێرە وای هونکیگ دەێدە لەش، زیرەکیی دەستکردیگ ئەرای دروسکریایە ک خوەی مەوقەی بەرزەوبۊن پلەی گەرمی، لەش هونکەو کەێد.
لە دو ماتوور تۆربۆ PWM پێکهاتییە، وەکارهاوەر لە ملی کەێد و وای گەرمی دەێشت ئاڵشت کەێد ئەرا وای سەرد و گشت لەش هونک کەێد.
ئامێرەگە کێشی ٤٣٥ گرام بوود، پاترییەگەی بەرگەی هەشت ساعات گرێد و زۊ بارگاوی کرێد، لە ڕی بەرنامەی مۆبایلیش توەنێد کۆنترۆڵ پلەی گەرمییەگەی بکریەێد و ئاڵشتکاری لەلی بکریەێد، نرخەگەی لە ١٣٥ دۆلار دەسوەپی کەێد و لەمانگ پەنج ئمساڵ بڵاوی کرێد.
