زانایل رووس مەدالیای دەگمەنیگ پەیا کردنە ک وینەی خوداوەن ئەفرۆدیت ها قەیەو
2023-05-22T10:03:45+00:00
شەفەق نیوز/ شوینەوارناسەیل رووس مەدالیایگ ناوازە پەیا کردن، ک وینەی ئەفرۆدیت ها قەیەو.
لە ناوچەیگ ئاسەواریی کوینە، لە شار ئاناپای رووسیا لە کەنار دەریای سیا، پارچەی ئاسەواری نوویگ پەیا کریا.
مەوقەی چاڵکەنین وەلایەن شوینەوارناسەیل رووس لە ئاناپا مەدالیایگ سەدەی ٢٢ پەیا کردن.
ئاناپا شاریگ کوینەی کەنار دەریایە لە باشوور ڕووسیا، میژووەگەی چەن سەدەیگ وەرجە ئیسە دەس وەپی کەێد.
یەیش بویەسە مدوو ئەو مینەکردن و چاڵکەنین وەردەوامە لەو ناوچە لە رووسیا.
ئیجارە وە مینەی ئاسەواری سەردەم یۆنانی کەفتنە چاڵکەنین، و مەوقەی تەقەلایان توەنستن بڕیگ ئاسەواری پەیا بکەن.
لەناو ئەو چشتەیلە ک پەیا کریان، مەدالیایگ بویە ک وینەی ئەفرۆدیت لەلی دیارە،ەو مەزەنە کریەێد کە ئەو مەدالیا لە سەدەی یەکەم وەرجە زایین دروس کریاگە.
