پزیشکگ پسۆر دەمار نیشانەیل لەهویرەوچگن نواوەختە دیاریکەێد
شەفەق نیوز ـ وەدویاچگن
پزیشک پسپۆر وە بیمارییل مێشک و دەمار، بڕیگ لە نیشانەیل نواوەختە دیاری کرد که نیشانەن ئەرا وە تووشهاتن پیرەیل ئەرا لەهویرەوچگن (دیمەنشیا) ، کە دیارترینیان لاوازی یادەوەری کوڵ مەودا، و قورسی لە قسەکردن، وەگەرد ئاڵشبوین رەفتار و کەسایەتیە.
پزیشک ئاناستاسيا فرولوفا وت: لاوازی یادەوەری کوڵ مەودا یەکیگە لە یەکەم نیشانەیل هووشداریدار، چوینکە کەسەگە هاتێ یادەوەری رووداوەیل گوزەشتە وە شێوەیگ گورج گلەوبدەێد، بەڵکم ئەرا زانیاری نووەیل دوچار گیچەڵ بوود کە فرەجار هەمان پرسیار دوارەوکەن ئەرا چەن جاریگ.
دیاریکرد قورسی لە قسەکردن نیشانەیگ تر نیشان دەێد، چوینکە تووشبوی قورسی لە پەیاکردن وشەیل پوڕیاگ یا سازکردن هویرەیل خوەی وە خێرایی رویوەرویبوود، و وەخت درویژیگ ئەرا وەکاربەێد یا پەنابەێد وەر وشەیل پڕەوکەر.
وتیش؛ تویشبوی هنای دەسکەێد فامکردن لە نوویگ و ئیدیۆمەیل وشەوەوشە یەیش هەڵە فامستن و گیچەڵ وەرد دەوروبەری دروسکەێد.
