زیرەکی دەسکرد چوودە ناو گووگڵ… Image Editor وە فەرمی کەفێدە کار
گووگڵ ئامرازە نووەگەی دیزاین کردیە تا وەکارهاوردنی ئاسان بوود، ئەراوە تەنیا خوازێد بڕەسێدە ئەو وینە و دڵخواز خوەی باری بکەێد، ئەو شوینە پەسەن کەێد ک خوازێد لەناو وینەگە دەسکاریی بکەێد لەناو، ئیجا ئەو دەسکاریە ک خوازێد بکەێدەی بنویسێد، وەوجویرەگ Imagen ئامراز دەسکاریکەر دەسوەجی لەناو شوین دیاریکریاگ جیوەجی کەێد، وەبی کاریگەری لەبان ئەو وینەیل.
گووگڵ چەن نموونەیگ پێشکەش کرد، لەوانە نموونەی وینەی سەگ و لە وەخت هەڵوژاردن لەش سەگەگە و نویساگە ( دڵنگ بۆشایی ئاسمان سوور وەگەرد ئەسارەیگ چەرمگ)، ئامرازەگە وە هویردی دڵنگ بۆشایی ئاسمانەگە لە ناوچەی دیاریکریاگ تێکەڵ کەێد و وە خود شیوەیش، ئامرازەگە وە هویردبوینییگ سەرسڕکەر "موشەکیگ کارتۆنی" و "هێدفۆن بازیکردن کەو" ناسە بانی.
ئامرازەگە توەنێد چەن ئەرکیگتر ئەنجام بەێد جویر سڕین توخمە نەخوازیاگەیل لە پاشبنەگە، ئاڵشتکردن رەنگ ئاسمان لە وینەگە، زیایکردن توخمەیل وە هویردی ک وەگەرد کاراکتەر وینەگە بگونجیەێد، وەبی ئەوەگ بشیونێدەی، هەرلیوا ئاڵشتکردن بڕیگ توخم وە تەواوی ئەرا چشتیگتر ، یا تەواوکردن وینە، و ئەرکە وەسوودەیل تر ک ئیسە وەخت فرەیگ تواێد، و چەن گامیگ خوازێد ئەرا تەواوکردنی وە وەکارهاوردن ری تەقلیدی، بیجگە لە ئەزموون فراوانیگ وەگەرد بەرنامەیل دەسکاریکردن وینە.
ئی ئامرازە پشت وە زیرەکی دەستکرد بەسێد، ئەرا شیکردن وینە و توخمەیل ناویان، و ئەرا فامستن ئەو فەرمانە دەقەیلە ک خوازێد.
ئی ئامرازە هیلێد وەکارهاورەیل ئاسایی ک هویچ ئەزموونیگ لە نەرمەکاڵای پێشکەفتگ دەسکاریکردن وینە نەیرن، تەنیا وە چەن چرکەیگ دەسکاری قویلیگ بکەن.
گەشەپیدەرەیل Google Imagen Editor سوپاس نویسەرەیل توێژینەوەگە کردن ئەرا مودێل درووسکردن وینەی DALL-E 2 AI ک ری وەپیان داگە دەرئەنجام مۆدێلەگەیان وەکار بارن، ئەرا گەشەکردن ئامرازەگە.
هەرلیوار گووگڵ ئامراز EditBench ناسان ک وەپی ئویشن؛ کوالیتی مۆدێل جویراوجویر دەسکاریکردن وینە.
هەرچەن ئامراز Imagen Editor توانای ئەوە دیرێد جەهان دەسکاریکردن وینە و فۆتۆگرافی ئاڵشت بکەێد، بەڵام گووگڵ بڕیار داگە ک ئیرنگە ئامرازەگە ئەرا خەڵک بڵاو نیەکەێد، لە رخ بەد وەکارهاوردن دەسکاریکردن وینە، بەڵکم ئەو توێژینەوە گشت هویردەکارییە تەکنیکیەیل ئامرازەگە خرایاسە وەردەس کەسەیلیگ پیشەیی ئارەزوومەن.
گووگڵ مەوقەیگ دیاری نەکردگە ئەرا بڵاوکردن ئەو ئامرازە لەنوای رای گشتی، بەڵام ئەگەر بکرداد، بایەس بوی ریسگایل تونیگ دانەێد، جویر دانان میتاداتا و تاگ لەناو وینەیل تا دیار بەێد ک لەلایەن ئامرازەگەو دەسکاری کریانە.
باس لەوەیش کریاگە ک ئیسە گووگڵ هاناو تاقیکردن تایبەتمەندی ئاڵشتکردن دەق ئەرا وینە لە چوارچیوەی بەرنامەیل جویراجویر هەکاتی ئەپڵیکەیشن پێشکەشکردن گووگڵ سلایدز، هەرلیوا، وەرجەیە ماجیک ئێدیتەر لە بەرنامەی وینەیل راگەیانیە، و یانەیش ئەو ئامرازەیلەن ک گووگڵ پەیمان دابینکردنیان داگە.
