رووسیا شاجوان سەربازی هەڵوەژێد
شەفەق نیوز/ لەناو گەرمەی جەنگ روسیا لەخاک ئۆکرانیا، بڕیارە پیشبڕکێی هەڵوژاردن شاجوان سەربازی سازبکەێد و شمارەیگ فرە لە دۊتەیل وڵاتەگەیش توان بەشداری بکەن.
وەگورەی ئەو زانیاریەیلە بڵاوکریانە، روسیا لەژیرناو" رەنگینی لەپشت قوربانیدان جەنگەو" پێشبڕکێیگ ئەرا هەڵوژاردن رەنگینترین دۊت سەرباز سازکەێد. لەقۆناغ یەکەم پێشبڕکیگە 40 دۊت سەرباز بەشداریکەن ک بەشیگ لەلیان سەر وە هێز موشەکی ستراتیژی روسیان.
مەرجە ئەو دۊت سەربازەیلە لە پێشبڕکیگە بەشدارئەون لەقۆناغ یەکەم مکیاژ جەنگاوەر بکەن، ک لە گوزەشتە سەربازەیل بەش جەنگی وەپی ناسریاگبۊن وەجۊریگ ماسک پاراستن لە گاز کۆمەڵکوشی ئەوەسین.
وەگەرد ئەوەیش، بایەت بەشداربۊ زانیاری سەربازی لەرۊی تیۆری و پراکتیکی بیاشتوود، چۊنکە بەشیگ لە پرسیارەیل لیژنەی هەڵسەنگاندن پێشبڕکیگە لەو مژارەیلە خوەی دۊنێدەو.
سازکردن ئی جۊرە پێشبڕکێیە کاردانەوەی جوراوجور لەلیکەفتیە، بەشێگیان وە گاڵداینیگی خاس سەربازەیل وڵاتەگەیان وەتایوەت ژنەیل زانن و بەشیگتر وە رێز نەنان لە گیان قوربانییەیل جەنگ باس لەلیکەن.
