گرتەی زەوی ئەرا پەپولەی ئاسمانی

گرتەی زەوی ئەرا پەپولەی ئاسمانی
2020-08-01T17:36:44+00:00

تیلیسکۆپە گەوراگان لە رەوانگەی ئۆڕوپای باشووری، لە چیلی، توینست وینەیل رەنگینگ بگرێد ئەرا بفیلکەی گازینیگ ک ناسریاگە وە NGC 2899 جوور پەپولەیگ وە رەنگەیل بریقەدار دیار دەێد. راپۆرتیگ لەلایەن رەوانەگەگە لە بان ماڵپەڕە فەرمیەگەی وت: ئی پفیلکەی گازینە لەئاسمان فڕێد، لە رووبەریگ رەسێدە دوو ساڵ رووشنایی، و وەشیوەی بریقەداریگ رووشناگەی کەفێدە وەردەوم گەلە هەسارەی ری کەیدارەیل، ک پلەی گەرمی گازەگە رەسێدە دە هەزار پلە. راپۆرتەگە هەمیش ئووشێد؛ پلە گەرمیە بەرزەگە لە هووکار بڕ گەورای تیشکەگە بوودەو، ک لە هەسارە داڵگەگەو هاتگە ئەرا تەم هەسارەگە ک پفیلکەگە هاناوی، ک هیلێد گاز هێدڕۆجین لە تەمەگە بوودە رووشنایی سووریگ لە دەور گاز ئۆکسجینەگە ک رەنگی کەوە، وتەمە هەسارەیەگە لە گاز هاێدڕۆجین و توز و بلازما دروس بویە، ولەناوڕاسی هەسارەی قوورەتیگ فرە بویچگیگ و فرە خەسیگ هەس، ئی پەپولەی ئاسمانیە هالە ناونی ٣٠٠ و ٦٥٠٠ ساڵ رووشنایی لە هەسارەی فیلای باشوری لەبان دوو هەسارەی ناوەندی، مەزەنەیە ک هەردوگیان ئی رەنگ و شیوەی پەپولە وەپی دەن، ک دویای ئەوەگ یەکیگ لە هەسارەگان رەسیە کۆتایی تەمەنەگی، وتووکڵەگەی فڕەدا، ئی هەسارەگە ئیسە دەسوەردان کەێد لە وەشانن گاز، تا ئی شیوە درەوس بکەێد. فەلکیەگان توێنستن ئی گرتەی فرە رەنگینە بگرن، وە یەکیگ لە چوار تلیسکۆپە گەوراگان ک دریژیی رەسێدە ٨،٢ مەتر لە رەوانگەی ئۆڕوپای باشووری.

Shafaq Live
Shafaq Live