کریستیانۆ ڕۆناڵدۆ یەکەم کەسە لە جەهان کە ٦٠٠ ملیۆن فۆڵۆوەر دیرێد لە ئینستاگرام
2023-08-13T10:26:33+00:00
شەفەق نیوز/ ئەسارە وەناوبانگەگەی بازی تووپان، کریستیانۆ رۆناڵدۆ، بازیکەر یانەی ئەلنەسر سعودیە، لە گشت جیهاندا فرە وەناوبانگە، وەو شیوە کە شمارەی فۆڵۆوەرەیلی لە لەبان ئەکاونتەگەی لە تووڕی کۆمەڵایەتی "ئینستاگرام" رەسیە 600 ملیۆن کەس، وەیەوە بویە یەکەم کەسیگ بڕەسێدە ئی شمارە.
رۆناڵدۆ، ئەفسانەی تووپان پورتوگالی، کە لە ماوەی ساڵەیل گوزەشتە وە بازی ئەرا یانەی مانچستەر یونایتد، ریاڵ مەدرید، یوڤی کردیە، و ئیرنگە وەگەرد ئەلنەسر سعودیە، ئەو کەسەس کە فرەترین داهات وەدەس تیەرێد لە وەرانەوەر بڵاوکردن لە ری ئەکاونت ئینستاگرامەگەی، کە رۆناڵدۆ ئەرا یەک پۆست لە ئینستاگرامەو ٣.٢٣ ملیۆن دۆلار کەفێدە دەسی.
