رۆبۆتیگ لە لاس ڤێگاس پیشوازی لە میوانەیل هۆتێلیگ کەێد
2026-01-06T14:59:05+00:00
شەفەق نیوز ـ وەدویاچگن
لە یەکیگ لەهۆتەیلەیل شار لاس ڤێگاس لەری رۆبۆتیگ کە وە دەیان زون جیاواز قسەکەێد پیشوازی لە میوانەیل کەێد.
ئۆتۆ، ناو رۆبۆتەگەس و لە هۆتێل ئۆتۆنمس لە لاس ڤێگاس پیشوازی لە میوانەیل کەێد، و پیشنیاز رێستورانت و بارودۆخ کەشوهەوا و چشتەیل ترەک وە 50 زوان جیاواز پیشکەش کەێد.
خاوەن هۆتێلەگە ئوشێد ئۆتۆ "جویر ئەلێکسا و سیری نییە، کەسایەتیی تایبەت وەخوەی و بۆچوین خوەی دیرێد و توەنێد بوودە خاسترین هاوڕێد".
رۆبۆتەگە لەلایەن کۆمپانیای ئینت بۆت لە کالیفۆرنیا دروسکریاس کە ڕۆبۆت جویر مرۆڤە ەرا هۆتێل، فڕۆکەخانە و سەیرانگەیل دروس کەێد.
