رۆبۆتیگ بویە وەڕێەوبەر کۆمپانیگ ئەلکترۆنی

شەفەق نیوز/ کۆمپانیای  مێتاڤێرس چینی"NetDragon Websoft" ناو خوەی لە مێژوو توومارکرد، وە ئەوەی رۆبۆتیگ ئەلکترۆنی زیرەک دەسکردیگ جویر وەریەوبەر کۆمپانیاگەیان دەسنیشان کردنە.

وەپای خەوەریگ لە  ماڵپەڕی"ئۆدیتی سێنتراڵ" بڵاوکریایە، رۆبۆتەگە وە "تانگ یو" ناسریاگە بویەسە وەریەوبەر کۆمپانیگ تەکنەلۆجی ک بەهاگەی وە 10 ملیار دۆلار مەزەنە کریەێد.

دەسەی کۆمپانیای NetDragon Websoft لەو باوەرەن زیرەکی دەسکرد لە ئایندە توەنێد وەلیفەت فرەیگ بڕەسنێدە وەرێوەبردن کارەیلیان، چونکە پابەندبوینیان فرەس توەنێد دەرفەت کارکردن بازرگانی ئاڵشت بکەێد.

لە کۆنگرەیگ رووژنامەوانی قسەکەر کۆمپانیاگە لەباوەت رۆبۆتەگە وت، ئی رۆبۆتە پرۆسەیگە وەبی هەڵە توەنێد کوالێتی کارەیل ناو کۆمپانیاگە بەرزەو بکەێد و ئەوزەڵ بیەێد وە خێرایی کارەیلە، و وەجویریگ دروسکریاگە توەنێد بڕیار راس و دروس بدەێد و داتاگان لەیەکەوبدەێد .

"نێت دەراگۆن وێب سۆفت"کۆمپانیایگ چینیە لە ساڵ 1999 دامەزریاگە و سەرکەفتی بویە وە ئەوزەڵداین وە بازیەل ئەلکترۆنی جویر بازیەیل (eudemons online,  heroes evolved, conquer online, under oath).