دویای ئەوە ک وە خیانەتکردنی زانست.. وەیویگ ئوسترالی شەو سویرەگە رسوای زاوا کەێد
2023-07-23T10:26:33+00:00
شەفەق نیوز/ وەوی تووڵەی خوەی لە زاوا سەن، ئەوەیش دویای ئاگاداربوینی لە خیانەتکردن دەزویرانەگەی، وەرجە چەن رووژیگ لە سویرەگەی، ک ئەو کارە لەناو دڵ خوەی هیشت، تا شەو ئاهەنگ سویرەگە هات، و کار خوەی وە زاوا کرد.
رووژنامەی mirror بەریتانی وت: ئەو دویەت ئوسترالیە، هەناێ چەوی کەفتە پەیامیگ ئەلیکترۆنی و وینەیلیگ لەناوی دی ک کەفتیەسە گەرد ژنیگتر، بڕیگیان زوی بویە، و بڕیگیش هن ئی رووژەیل نزیکە بویە، ئاشکرای خیانەتکاری دەزویرانەگەی کرد.
هەرچەن دویەتیگ نزیکی تەمەیی کرد ک کردەوەی خیانەتکاری رویوەڕی دەزویرانەگەی بویشێد، وەلێ یەی تەگبیر داشتیە کارەگە ئەرا مەوقەی سویرەگە هەڵگرێد، و لەنوای مەردمەگە رسوای بکەێد.
تا رووژ سویرەگە هات، و لە وەردەم بڕیگ لە ئامادەبویەیل، وەیوەگە مۆبایلەگەی خوەی دراورد، و ئەو پەیامەیلە نشانیان دا.
رووژنامەگە دیاری کرد ک رەنگ شەرم و رسوایی هاتە روی باوان و برادەرەیل کوڕەگە، و دویەتیش دویای ئەوە، سویرەگە هیشتەجی.
