دویای ٢٤ ساڵ.. کیسەی چای شاژن ئێلیزابێت ئەرا فرووشتن

شەفەق نیوز/ لە پشت مردن شاژن ئێلیزابێت دویەم، مەردم تەقەلای فرووشتن چشتەیلیگ ئەڵاجەوی دەن ک پەیوەندی وە شاژن کووچکردگ دیرن، وە نرخەیل گرانیگ، ک ئەوە یەکەم جار دویای ئاهەنگ هەفتا ساڵیاد نیشتنی لەبان تەخت دەرکەفت.

ئیسەیش چشتەیلیگ خریانەسە فرووشتن، لەوانە کیسەی چایە، ک گوایە شاژن ئێلیزابێت وەکاری هاوردیە، ک ئەو پیاوە لە کۆشک ویندسو لە ساڵ ١٩٩٨  هاوردیەسەی.

رووژنامەی نیویۆرک پۆست وت: ئەو کیسەی چایە، ک پیاوەگە مەوقەی پاکەوکردن کۆشکەگە هاوردیەسەی، وە ١٢٠٠٠ دۆلار تواێد بفرووشێدەی.

لە لیست فرووشتنەگە نویسیاگە؛ یە ئەو کیسەی چایەسە ک هاتێ لەبان تووڕ CNN لە دویادویای ساڵ ١٩٩٨ چەود لەلی کەفتیە، پارچەیگ میژوویە.