دەوڵەمەنترین پیاو لە جەهان: زنجیرەیگ کارتۆنی پیشبینی کرد ک ئەوەسا تویتەر سینم

شەفەق نیوز/ دەوڵەمەنترین پیاو لە جەهان، خاوەن تێسلا و سپەیس ئێکس، لە پۆستیگ وت: زنجیرەی کارتۆن مناڵەیل (زا سيمبسۆنز) The Simpsons  مەزەنە کردیە ک ئەوەسا بوومە خاوەن تویتەر.

ملیاردێرە ناودیارەگە وینەی زنجیرە ئەمریکیەگە لە وەرز ٢٧ هەڵقە ١٢  بڵاو کرد، ک کەسایەتی (لیزا سیمبسۆن) وە جانتایگ کاغەزین نشان دەێد ک دان ئەرا باڵندەی ناو ماڵەگەی هەڵگردیە ک لەقەی ماڵەگەی نویسیاگە Home Tweet Home .

ماسک لە پۆستەگەی وت: زا سيمبسونز مەزەنە کرد ک ئەوەسا تویتەر سینم.

هەرلیوا، ماسک وتیش: شمارەیگ لەوانەگ جویر ناو نوو لەبان تویتەر توومار کریەن رەسیە بەرزترین ئاست، لەو وەختە ک بڕەیلیگ لەخاوەن پڕۆپاگەندە و وەکارهاوردنی وەرەو پرۆگرامەیلیگ تر تویتەر هیلنە جی، لەوەر رخەیلیگ لە دووپاتکردن لە هەژمارەیل ساختە و قسەیل خوسەهاتن.

ماسک لە تویتەگەی وت: ناوڕاس شمارەیل بەشدارەیل رەسیە زیاتر لە دوو مەلیۆن لە رووژیگ، وەماوەی هەفت رووژ گوزەشتە، وە زیایبوین ٦٦٥ کەس، لە چەو خود هەفتەگە لە ساڵ ٢٠٢١.

خاوەن پڕۆپاگەندەیلیگ لەبان تویتەر جویر ژەنەڕاڵ موتۆرز و مۆندلیز ئەنتەرنەشینەشیناڵ و ڤۆڵکسواگن وەشیوەی وەختانە پڕۆپاگەندەیلیان لەبان تویتەر وسانن.

ساڵانە نزیکەی ٥ ملیار دۆلار خەرج پڕۆپاگەندەی تویتەرە.