دەسوەسەرکردن عراقییگ پویل لەناو جادەیل سیئۆل چویچانیە
شەفەق نیوز/ میدیایل راگەیانن، ئمڕوو دووشەممە، خەوەردان ک پۆلیس کۆریای باشوور، لێکۆڵینەوە وەرد پیاویگ عراقی کەێد، زیاتر لە ١٥ هەزار دۆلار فڕە داسە یەکیگ لە جادەیل سیئۆل پایتەخت.
میدیال لە زوان وەرپرسەیل کۆریا وتن: پۆلیس لێکۆڵینەوە وەرد پیاویگ عراقی کەێد ک پویل فرەیگ لە دۆلار و یۆرۆ فڕە داسە ناو یەکیگ لە جادەیل باکوور سیئۆل، و ئیجا ئاگادار پۆلیس کردیە گوایە پویلەگەی گوم بویە.
ئەو کابرای عراقیە، لەناو تەمەن سی ساڵان، بڕ ٢٢ مەلیۆن وون (١٦٩٣٠ دۆلار ئەمریکی) وە دراو دۆلار و یۆرۆ و وون کۆری فڕە داسە ناو جادەیگ لە گەڕەک نوون لە سیئۆل.
وەگورەی قسەی وەچەودیەیلیگ، پیاوەگە سوازیە پویلەگە بەێدە ریواریگ، و وەپی وتیە: پویل فرەیگ دیرم، باوجی ئەو ریوارە پویلەگە لەلی نەوردیە، و عراقیەگە پویلەگە لەباو جادە چویچانیە.
دویای ئەوە ئەو کابرا ئاگادار پۆلیس کردیە گوایە پویلەگەی گوم بویە.
لەناو لێکۆڵینەوەی پۆلیس، هویچ نشناەی تاوانیگ پەیا نەکریا، و هەمیش هویچ هووشبەرییگ وەکار ناوردیە.
وەرپرسیگ لە پۆلیس وت: دویای ئەوە ک دووپات کردیا پیاوەگە لەلای دەروینی ئارام نێیە، پۆلیس مینەی بنەماڵە وبرادەرەیلی کەێد تا بیەێدەی دەسیان.
وەرپرسەگە وتیش: پویلەگە ک فڕەی دایە ئەرا پیاوەگە گلەو دریا.
