دەرکردن کوچک گەپیگ وە قورسی ٤٠٠ گڕام لە میزەڵدان ژنیگ
2021-01-20T11:51:41+00:00
شەفەق نیوز/ ژنیگ ڤێتنامی، لە خەسەخانەی فۆ بینگە لە کەرت تای نگوین، دویای دادکردنی لە ژان زگی، کەفتە وەر نەشتەرگەری.
پزشکەگان وێنەی ئێکس رای ئەرای بردن، و کوچک خڕ گەپیگ لە میزەڵدان ژنە ٣٤ ساڵانەگە ئاشکرا بوی، و پزشکەگان توێنستن ئەو کوچکە دەربکەن ک دریژیی لە ١٠ سانتیمەتر زیاترە و کیشەگەی ٤٠٠ گڕام بوی.
وێنەیل کوچکە گەپەگە لەبان ماڵپەڕەیل پەیوەندیە کۆمەڵایەتیەگان بڵاو بوین، و فرە کەس پرسیار لە شیوەی ئەو ژانە کردن ک ئەو ژنە وەگەرد ئیجوور کوچکیگ وەخوەی دیاد.
