جوانترین پەنج دویەت لە بەشداربوی شاجوان عراق...وینە

شەفەق نیوز/ ماڵپەر "کانون دیلی" تایبەت وە هەواڵەیل وەخت وەسەربردن راگەیان شاجوان عراق " ماریا فەرهاد"  ک خەڵک  نەینەواس، لە 28 تەمووز تاج نوێنەرایەتیەگە دانەێد لە خول نۆیەم پێشبڕکێ شاجوان ک کاندیدیگ هەڵوەژن لە رکابەرەیل شاجوانەیل جەهان و شاجوان گەردوون.

لە راپۆرتیگ ک ئاژانس شەفەق نیوز هەڵگەریان ئەرای کردیە ئوشێد، رینیە دنکۆر لە ساڵ 1947 یەکەم شاجوان عراق بوی، دویای خلود سالح نازناوەگە برد لە ساڵ 1962، و ئمجا سەمیرە زەیدان لە ساڵ 1963  و دویایی نازک شالی لە ساڵ 1971. 

لە راپۆرتەگە دیاری کرد، وجدان بورهانەدین سولێمان یەکەم دویتە گەنج بوی لە ساڵ 1972 نوینەرایەتی عراق کرد لە پێشبرکێ شاجوان جەهانی، دویای ئەوە شەێما قاسم لە ساڵ 2015 وەری گرد دویایش سارە عەیدان لە ساڵ 2017. 

سوزان عامر یەکەم کاندید عراقی بوی ک لە ساڵ 2015 بەشداری شاجوان گەردوون جەهانی کرد.  

لە راپۆرتەگە پەنج لە کاندیدە جوانەیل خستەیسە روی لە 20 پێشبڕکیکەر عراقی ک بەشداری پێشبڕکێ شاجوان عراق لە ساڵ 2022 کردیە، وەپای تەنیا پێوەرەیل جوانی هاتنە زینە تارق ( فورات ناوڕاس)، جیهان مەجید (واست)، وەلا نوری( ئەنبار)، بەلسەم حسێن ( بەغداد کەرخ) ماریا وەعد ( دهۆک).