تەبەقەی خا داهات ساڵانەی هەشت ملیار دۆلارە و خاوەنی هویچ سوودیگ لەلی نەیە
وەپای راپۆرتیگ ماڵپەڕ بی بی سیی بەریتانی، تەبەق خا، ک لە ئمڕوو لە سەرانسەر جەهان وەکارتێد و ریگەیگ سەرەکی دانریەد ئەرا پاراستن خا، هویرمان داهێنانەگەی چوودەو ئەرا رووژنامەنویسیگ وە ناو جۆزیف کویڵ، ک لە ساڵەیل سەرەتای بیس لە شارۆچکەی سمیسەر لە کۆڵۆمبیای بەریتانیا کار رووژنامەوانی کردیە.
جۆزیف هویرەو لە چارەسەر کردن گرفت ناوبەین خاوەن کێڵگە پەلەوەری و خاوەن هۆتێلیگ کەێد ک هەمیشە لەوەر شکیان خایەیلە تویش وردە وەردە ئەهاتن چوینکا لە گوزەشتە خایەیلە لەناو سەوەتەیل دانریا، وە مدووە رووژنامە نویسەگە لە ساڵ 1911 وەکارهاوردن کاغەزە کوینەیل رووژنامە نمونەیگ سەرەتایی لە تەبەق خا دروس کەێد تا لە شکیان بپارێزدەیان.
سەرەڕای ئی داهێنانە گرنگە، باوجی جۆزیف نەتوەنست سوود لەلی بوینێد بکەێدەێ رییگ ئەرا وەدەسهاوردن داهات، یەیش لەمەوقیگ ئمڕوو لەوەر فرەبوین شمارەی دانشتگەیل و فرەی خواست لەبان خا، داهات بازرگانیکردن وە تەبەق خا رەسیەسە هەشت ملیار دۆلار.
