بۆبی...وەتەمەنترین سەگ لە جەهان
2023-07-09T08:12:47+00:00
شەفەق نیوز/ سەگیگ تەمەن 31 ساڵ لە پرتوگال، جویر وەتەمەنترین سەگ لە جەهان ناوی لە کتاو گینس لە ریکۆردە جیهانیەیل توومار کریەد.
بۆبی لە نەژاد (رافیرۆ دۆ ئالێنتێجۆ)یە و تێکڕای تەمەن ئی جویرە سەگە وە 12- 14 ساڵ مەزەنە کریەد، باوجی بۆبی دوو ئەوەنە زندگی کردیە.
لیۆنێل کۆستای تەمەن 38 ساڵ ک خاوەن ئی سەگەس ئوشێد یەکیگ لە هووکارەیل تەمەن درویژی ئی سەگە (کەشیگ ئارام و لەبارە ئەرا زندگی کردنی) بویە.
بۆبی هەرگیز وە زنجیر نەوەسیاگە و هەمیشە وە ئازادی لەناو دارسان و بوسانەیل نزیک ماڵ خاوەنەگەی بویە، و گشت تەمەنی وەگەرد ئی خیزانە وەسەربردیە لە ئاوای (کۆنکیورۆس) لە پرتوگال.
