پیاویگ ئیرانی دویای ١٨ ساڵ ژیانکردن لەناو فڕۆکەخانە گیانی لەدەس دەێد
شەفەق نیوز/ میهران کەریمی ناسری، دویای ئەوەگ تا ماوەی ١٨ ساڵ لەناو فڕۆکەخانەی (چارلس دیگۆل) لە پاریس پایتەخت فەرەنسا گوزەران کرد، تا تەمەنی رسیە ٧٧ ساڵ، دویاکووچی کرد.
ئاژانس (ئەی ئێف پی) لە زوان سەرچەوەیگ وت: ئەو پەنابەر ئیرانیە، دویای گلەوداینی ئەرا فڕۆکەخانەگە، دویەکە شەممە، گیانی لەدەسدا.
کەریمی لە ٢٦ ئاب ١٩٨٨، روی کەێدە بەریتانیا، وەلێ چوینکە پەڵگە و ناسنامە وەپی نەویە، ئەرا بەلجیکا کلکریەێد، و حکومەت ئەو وڵاتە کلی کەێد ئەرا ئینگلتەرا، و هەر وەیجویرە مینێد، تا کەفێدە پاریس، و وەگورەی یاسای ئەو مەوقە لە فەرەنسا داکاسیەێد، باوجی وەمەرجیگ نە توەنێد بچوودە ناو خاک فەرەنسا و نەیش توەنێد لە فەرنسا بچوودە دەیشت.
کەریمی ناچار بوی هەر لەناو فڕۆکەخانە بمینێد، تا ساڵ ٢٠٠٦ ک بیمار بوی و ئەرا خەسخانە بریا، و لە ساڵ ٢٠٠٧ لە خەسەخانە دەرچگ و کەفتە ژیر چەودیاریکردن لق فڕۆکەخانەی خاج سوور لە فەرەنسا، و لە ساڵ ٢٠٠٨ لە یەکیگ لە بانکەیل پاریس ژیانی بردە سەر.
میهران کەریمی ساڵ ١٩٤٥ لە شار مەسجد سولەیمانی لە ئیران لەداڵگبویە، چەن فیلمیگ لەبان ژیانی توومار کریایە.
