ژان فرەیگ لە شوڕگ.. روی دیاریگ لە سەرچەوە نووگەی "کۆڤید-19"
شەفەق نیوز- وەدویاچگن
پسپۆڕیگ مژار بیماری پەتایەگان، قوڕگ ژان قایمیگ جوی دیارترین نیشانەیل تویشهاتن وە جویر نوو ڤایرۆس کۆرۆنا PJ.2.1 دەسنیشان کرد، کە لە چەندین وڵات جیهان بڵاوبویەسەو.
سەرۆک ئەکادیمیا پەتاناسی رووسی، گێنادی ئونیشتشنکۆ، لە قسەیل کە ئاژانس "تاس" ڕووسی بڵاویکردیە، وت: قوڕگ ژان بویەسە نیشانەی پەیوەنیدار وەی زنجیرە.
رێکخریاگ تەندروسی جیهانی لەگوزەشتە دیاریکرد وە بڵاوبوین ئێ جویر نوو لە جیهانە و راگەیان بڕ بڵاوبوینەگەی لە چەن وڵاتیگ جویر ئەمریکا و کەنەدا زیایکردیە، لەوەختیگ لە ئەوروپا تەنیا شمارەیگ کەم و سنووردار تویشهاتن توومارکریاس.
لەلی ترەک پسپۆر بیماری گوازراوەیل و ڤایرۆسناسی، ئێلینا مالینیکۆڤا، ئاشکراکرد جویر PJ.2.1 هاتێ وە ژان قایمیگ قوڕگ هاوبەش بوود، وەگەرد وەردەوامی هەسکردن وە شەکەتی و لەری دویای ماوەی درویژیگ لە خاسەوبوین، و دیاریکرد ئەو کەسەیلە تەمنیان لە 60 ساڵ و زیاترە زیاتر هانە رخداری تویشهاتن وە بیماریەگە.
نیشانەیل تویشهاتن وەی جویر نووە تا بڕیگ فرە وەرد نیشانەیل هەڵات و بیماری هەناسەیل وەرزی پوڕێد و ژان قوڕگ و لەری گرێدەخوەس یەیش هیلێد جیایەوکردنی وەرد ئەنفلوەنزا یا هەوکردن تر سیستەم هەناسدان وەبی ئەنجامداین تاقیکردنەوەی پزیشکی قورس بوود.
