ژاپون، بنەڕای وزارەت تەنیایی دنێ
2021-03-01T07:40:23+00:00
شەفەق نیوز- دۆمای ئنگلیس، ئێسە ژاپونیش دخوازێ وزارەت تەنیایی دامەزرنێ.
ئایم مانا، خوەێ ئەڕا خوەێ، مەوجوودێگە ئێجتماعی ک هە وە گەل دتوانێ بژیێ و زنەیی وە تەنیایی فرە سەختە ئەڕاێ.
ئی سەردەمە، وە بان ئی هەمگەێ پێشکەفتن تکنولوژیکە ک وەرد خوه‌ێ هاوردگە، تەنیاییەێل فرە گەنێگیش هاوردگە ک ئایمەێلە خستگه‌سە دام و تەڵەزمەێل سەختێ ئوو هەر چەن وە خاتر تکنولوژی دە وەرسەرا پەیوەندییەێلە فرەترەو کردگە باوجی دوورترەێلە وە یەکترەکی نزیک و نزیکەێلە لە یەکترەو دوورەو خستگە ک یە خوەێ دیرێ ئی چین ئی سەردەمە لە پا دەردیارێ.
فرە کەس هانە تەما و دڵ بەسینە وە یە ک وزارەتێگ ئەڕا تەنیایی (ministry of loneliness) ئی دووزەمە و گیچەڵە چارسەرەو بکەێ.
