پەیاکردن کەپووڵ ئایمیگ لە تورکیا تەمەنی زیاترە لە ٣ هەزار ساڵ نەشتەرگەری ئەرای کریاگە

پەیاکردن کەپووڵ ئایمیگ لە تورکیا تەمەنی زیاترە لە ٣ هەزار ساڵ نەشتەرگەری ئەرای کریاگە
2022-11-28T12:59:04+00:00

شەفەق نیوز/ زانایل ئاسەواری لە پارێزگای وان تورکیا، کەپووڵیگ پەیا کردن، ک کەپووڵەگە کونای سێسویکەی کریاگە، تەمەنی رەسێدە ٣٢٠٠ ساڵ، ک نشان دەێد خاوەنی کەفتیەسە ژیر نەشتەرگەری و کەپووڵی کونا بویە.

سایت Arkeonews   باس ئەوە کەێد ک لە ساڵ ٢٠١٦ دەسکریا وەشکین لەو ناوچە، و قەورسانیگ لە سەردەم ئاسنین پەیا کریا، و سوخان و کەپووڵ لەناوی بوی.

وەگورەی سایتەگە، کوناکردن کەپووڵەگە لە کۆنترین کارەیل پزشکیە، ک یە هەزاران ساڵ کریەێد، و زانایل ئاسەواری کەپووڵەیلیگ وەیجویرە لە ئەوروپا و ئەفریقا و چینیش پەیا کردنە.

Shafaq Live
Shafaq Live