وە بڕیار ئیدارەی ترەمپ.. "ناسا" راپۆرتەیل ئاڵشتبوین کەشوهەوا شارێدەو

شەفەق نيوز/ وەشوینکەفتن 

ئیدارەی دۆناڵد ترەمپ سەرۆک ئەمریکا، وە گام نوویگ ریگری لە رەسین کەس و حکومەتەیل ناوخوەیی و حکومەت ویلایەتەیل ئەرا راپۆرتەیل گرنگیگ کەێد لەبان کاریگەریە رخبارەیل ئاڵشتبوین کەشوهەوا.

  وەرجەیە هەر لەی مانگ تەمووزە، ئەو سایتەیل حکومەتی ئەمریکی فەرمیە بەسیان کە هەڵسەنگاندن کەشوهەوا کردیان، کە باس مەزەنەیل کاریگەری ئاڵشتبوین کەشوهەوا کردیان، و خاسترین شیوەیل گونجانن وەگەردیا.

لەو وەختە، ماڵ چەرمگ وت؛ ئیدارەی فڕوکەوانی و چووڵایی ئاسمان ئەمریکی (ناسا) ئەوەسا راپۆرتەیل هەڵگرێد، لە جیوەجیکردن یاسایگ کە لە ساڵ 1990 دەرچگە کە پابەندی وە بڵاوکردنیان کەێد، کە "ناسا" وت: پلان ئەرای نەێد.

وەلێ دویەکە دووشەممە، "ناسا" راگەیان کە واز لەو پلانە هاورد، و هەڵسەنگاندن نیشتمانی ئەرا کەشوهەوا بڵاو نیەکەێد.

 راپۆرتیگ لە ساڵ 2023 دیار دەێد کە چوین ئاڵشتبوین کەشوهەوا هەڕەشەی تەندروسی و ئاسایش و شیوەیل ژیان دەێد، و چوین مەردمەیل پەراویزخریاگ تویش رخباریەیل گەورە تیەن.

"ناسا" وت: لەڕوی یاسا پابەند نییە ئی زانیاریەیلە بڵاو بکەێد.

لە 3ي تەمووز، "ناسا" لە بەیاننامەیگ وت: ئەوەسا گشت راپۆرتەیل وەرین لەبان سایت ئەلیکترۆنی بڵاو کەیمن، وەشیوەیگ وەردەوامی ئامادەکردن راپۆرتەیل مسۆگەر بکەێد.

 وەلێ رخنەگرەیل بوی بڕیارە، بوخت وە ئیدارەگەو کردن کە تەقەلا دەێد زانیاریەیلیگ گرنگ بخەێدە پشتگووش.