هوشداری لەلایەن نەتەوە یەکگرتگەیل لە بەرزەوبوین گەرمی ئەرا پلەیلیگ پەیمانەیی

شەفەق نيوز/ ریخریاگ کەشناسی جیهانی لە نەتەوە یەکگرتگەیل، ئمڕوو چوارشەممە، مەزەنە کرد جیهان بەرزەوبوین پەیمانەیی زیاتر لە پلەی گەرمی لە ماوەی پەنج ساڵ ئایندە وەخوەی بوینێد.

ریخریایەگە لە راپۆرتیگ وت: ئەگەر 80 لەسەد هەی جیهان ساڵیک لە پەنج ساڵ ئایندە ئاستیگ پەیمانەیی لە پلەی گەرمی توومار بکەێد، و ئەگەر کەورەیگ هەس ریژەی گەرمبوین لە 1.5 پلەی سەدی لە ئاستەیل وەرجە شووڕش پیشەسازی رەد بکەێد.

وتیش: لە ئمساڵ تا ساڵ 2029، مەزەنە کریەێد ریژەی پلەی گەرمی نزیک روی زەوی لە ئاست جیهان ناوەین 1.2 و1.9 پلەی سەدی بوود ئەوبان ئاستەیل وەرجە شووڕش پیشەسازی لە ساڵەیل 1850 و1900 کە تونەڕەوی کەشوهەوا زیای کەێد.

وتیش: هەر بەشیک بویچگ بچوودە بان گەرمبوین، بوودە مدوو زیاتر لە شەپوولەیی گەرمی زەرەدبەخش، و واران فرە رفت و هشکەساڵی سەخت و تاویان پارچە یەخەیل دەریایی و چەمەیل یەخین و بەرزەوبوین پلەی گەرمی زریانەیل و ئاست ئاو دەریا.

  گیرهاتن گەرمی کە مەزەنە کریەێد لە ناوڕاس زیاتر بوود لە جەمسەر باکوور، بوودە مدوو زویکردن لە تاویان یەخ لە جەمسەر باکوور و باکوور خوەرئاوای زەریای ھێمن.

 لە راپۆرتەگە وتیش: مەزەنە کریەێد بەرزەوبوین پلەی گەرمی لە جەمسەر باکوور زیاتر لە سێ ئەوەنە و نیم ریژەی جیهانی بوود، وە 2.4 پلەی سەدی بەرزتر لە ناوڕاس ماوە سی ساڵ گوزەشتە، ئەوەیش لە پەنج وەرز زمسان ئایندە.