ناسا پلان دیرێد ئەتۆمی لەبان مانگ دروس بکەێد

شەفەق نيوز- وەشوینکەفتن 

سایت خەوەری "بوليتيكو" وت: ئاژانس چووڵایی ئاسمان ئەمریکی "ناسا" پلان دیرێد ئەتۆمی لەبان مانگ دروس بکەێد.

وەگورەی سایتەگە، ناسا نیاز دیرێد پێشنیارەیلیگ لە کۆمپانیایل داوا بکەێد وەماوەی 60 رووژ ئەرا دروسکردن ئەتۆمی وەتوانای 100 کێلوات، بڕیارە لە ساڵ  2030 بخریەێدە کار.

چەوەڕی کریەێد شۆن دافی جیوەجیکار وەڕیەوبەر ناسا لەی رووژەیل بانانە ئەو پلانەیلە راگەینێد.

 ئی پڕۆژە لە بەرزەوبوین هاوماڵیکردن وەرد وڵات چینەو تیەێد، کە خوازن لە خود ماوە یەکەمین ئەرک لەبان مانگ جیوەجی بکەن.

 جی باسە کە هویرکردن وە دروسکردن ئەتۆمی لەبان مانگ چشتیگ نوو نییە، کە رووسیا وەرجە چەن ساڵیگ وتیەسەی، لە وەختیگ ناسا لەی ماوەی دویاییە کارەیلی لەی لایەنە خەسەو کرد.

 ئەتۆمی سەرچەوەی وزەیگ جیگیر ئەرا ئەرکەیل بانان لەبان مانگ خەێدە وەردەس، وەتایبەت لە وەخت شەوانەی بان مانگ کە نزیکەی دوو هەفتە وەردەوامە، کە وزەی خۆر نییە.

 ئەمریکا تەقەلا دەێد پیاوەیل ئاسمانی دەستی زیاتر لە 50 ساڵ ئەرا یەکەمین جار کلبکەێد، ئەوەیش لەناو بەرنامەی "ئەرتميس"، کە ناسا پلان دیرێد لە ساڵ  2027 تیمیگ لەبان مانگ داگرێد.

وەگەرد ئەوەیش، چەن جاریگ خشتەی وەختەگە خریا دویا، و هەمان دیار نییە ئەگەر دۆناڵد ترەمپ سەرۆک ئەمریکا وەردەوام بوود لە پاڵپشتیکردنی ئی پڕۆژە.