ئەردۆغان کۆتایی وە گرێبەس نەفتییگ تیارێد ٥٢ ساڵە وەرد عراقەو وەردەوامە

شەفەق نیوز - ئەنقەرە

ئمڕوو دووشەممە، رەجەب تەیب ئەردۆغان، سەرۆککۆمار تورکیا، بڕیاریگ واژووکرد، دویای 52 ساڵ لە کارکردن وە ڕێککەوفننامەیگ میژوویی نەفتی ناوەین تورکیا و عراق هەڵوەشانەو.

میدیایەیل تورکیا بڵاو کردن کە ئەردۆغان فەرمانیگ فەرمی واژووکرد ئەرا کۆتاییهاوردن وە ڕێککەفتن لویلەی نەوتی خاو کە لە ساڵ 1973 لە ناوەین تورکیا و عراق کریاس، ئی ڕێککەفتنە کە ماوەی 52 ساڵە جیوەجی کریەێد، و وە یەکیگ لە دیارترین ڕێککەفتنە ئابوورییەیل ناوەین هەردووگ وڵات دانرێد، لە رووژنامەی فەرمی تورکیا بڵاو کریا و واژوو سەرۆک کۆمار تورکیا وەپیەو بوی.

وەگورەی ئەو فەرمانە، لە ژمارەی 10113ی رووژنامەی فەرمی دەرچگە، رووژ 27 تەمموز 2026 رێککەفتن ناوەین ئەنقەرە و بەغدا وە فەرمی هەڵوەشێدەو. وەی شیوە گشت پرۆتۆکۆل و بەڵگەنامەیل ئی رێکەفتن میزووییە وەسەرچوود. 

سەرچەوەی ئی رێککەفتنە چوودەو ئەرا ساڵ 1973، کە یەکەمجار لە ناوەین هەردووگ وڵات واژوو کریا ئەرا هەناردەکردن نەفت خاو لە عراقەو ئەرا بەندەر جەیهان تورکیا. لەماوەی ساڵەیل گوزەشتە چەن جاریگ رێککەفتنەگە هەموار کریاس، دوایینیان لە ساڵ 2010، هەناێ اا ماوەی 15 ساڵ ترەک درویژەو کریا، ئەو ماوەیەش لە ساڵ ئایندە کۆتایی تیەێد.

هەڵوەشانن ئی رێککەفتنە ئاڵشتکارییگ ستراتیژییە لە پەیوەندییە ئابوورییەیل تورکیا و عراق و هاتێ دەر دانوسەنین نوویگ لەباوەت بانان هەناردەکردن نەفت و وزە لە ناوەین هەردووگلا واز بکەێد.