"راگەیانن پرسەی گشتی".. گیانلەدەسداین 12 فەرمانبەر وە رۊداویگ هاتوچوو رخبار لە ئیلام فەیلی

شەفەق نیوز - ئیلام

دەسەڵاتەیل تەندروسی لە پارێزگای ئیلام فەیلی لە خوەراوای ئیران، رووژ یەکشەممە، خەوەر دان لە گیانلەدەسداین 12 فەرمانبەر و زەخمداربۊن کەسەیلیگ ترەک، لەئەنجام پلیان پاسیگ کە هەڵیان گردۊد ئیوارەی دۊکە شەممە، لە وەختیگ دەسەڵاتەیل ناوخۆیی پرسەی گشتی لە پارێزگاگە راگەیانن.

 فەرمانگەی فریاکەفتن لە پارێزگای ئیلام، لە بەیاننامەیگ کە ئاژانس شەفەق نیوز چەوی پی کەفت، دیاری کرد کە پاسەگە کارکەرەیل لە کۆمپانیای "NGL" دەهلەران نەفتی هەڵگردۊد، و لەبان ریە بەسەرەگە وە هەردوگ ناوچەی "دەشت عەباس" و "مورموری" پلیا.

وتیش کە گشت قوربانییەیلە گلەو خوەن ئەرا هەردوگ قەزای ئاودانان و دهلەران.

 لە دۊای رۊداوەگە، دەسەڵاتەیل ناوخۆیی ماتەمینی گشتی ئەرا ماوەی یەک رووژ لە سەرانسەر پارێزگای ئیلام، و ئەرا ماوەی دوو رووژ لە قەزای ئاودانان راگەیانن.