کوشیان وەڕیەوبەر پۆلیس خانەقین وە رویدایگ هاتوچو لە کوردستان
2023-06-12T07:42:45+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە گیان لەدەسدان وەڕیەوبەر پۆلیس خانەقین وە رویداو هاتوچو لەناوبەین کەلار و سلێمانی لە هەرێم کوردستان.
سەرچەوەگە وە ئاژانس شەفەق نیوز وت، عەمید ئیدریس محەمەد مەولود وەڕیەوبەر پۆلیس خانەقین ، ئمڕوو، گیان لەدەسدایە وە رویداویگ هاتوچو لەئەنجام پلیان ماشین مەدەنیەگەی لەبان ری کەلار- سلێمانی.
سەرچەوەگە وتیش، وە مدوو رویداوەگە چەن کەسیگ ک وەگەردیا بوینە زەخمداربوینە باوجی لە شمارەیان دڵنیا نیین، دیاری کرد تەرمەگە ئەرا پزیشک دادوەری کلکریاس و لێکۆڵینەوەی ئەمنی وازکریاس تا چوینیەتی رویداوەگە ئاشکەرا بکریەێد.
