یەک کوشیان و دوو زەخمدار وە مرافەیگ لەبان پارچه زەوییگ لە هەولێر
2021-08-25T06:55:23+00:00
شەفەق نیوز/ سەرچەوەیگ لە پۆلیس پارێزگای هەولێر پایتەخت هەرێم کوردستان، ئمڕوو چوارشەممە، خەوەردا ک کابرایگ کوشیا و دووان زەخمدار بوین لە مرافەی چەکداریگ لەبان پارچه زەوییگ لە ناوچەی هاماری هەولێر.
وەگورەی سەرچەوەگە، مرافەگە دوێەکە ئیوارە کەفتە ناوبەین دوو خیزان لە ئاوای شێخ مەمودیان لەبان پارچە زەوییگ تا کابرایگ وەناو کەنعان رەقیب عەزیز بکوشیەێد، و دوو کەس تریش زەخمدار بوون.
لەلای خوەییش وەڕێۆبەرایەتی پۆلیس پارێزگای هەولێر لە بەیاننامەیگ ئمڕوو وت: دویای ئاگادارکردنی وە رووداو کوشتن کابرایگ وەناو کەنعان رەقیب عەزیز وەدەس کابرایگ وەناو (م،ا،ح) لە ئاوای شێخ مەمودیان، لەبان پارچەیەک زەوی، وە کوتپڕ هێزەیل پۆلیس رەسینە شوین رووداوەگە و توومەتبارەگە دەسگیر کریا.
