وسیانیگ ناڕەزایی لە هەرێم کوردستان ئەرا شەرمەزارکردن پەلامارەیل ئیران و تورکیا
شەفەق نیوز/ چالاکوانەیلیگ لە ئیدارەی گەرمیان لە هەرێم کوردستان، ئمڕوو سێشەممە، وسیانیگ ناڕەزایی لەبان پەلامارەیل ئیران و تورکیا لەبان ناوچەیل خوەرئاوای کوردستان و هەرێم کوردستان ڕێک خستن.
پەیامنێر ئاژانس شەفەق نيوز وت: ناڕەزایل لە پارک لەیلا قاسم لە کەلار گردەو بوین، وە بەشداریکردن بڕیگ لە چالاکوانەیل، ئەرا شەرمەزارکردن پەلامارەیل تورکیا و کوردستان لە خوەرئاوای کوردستان و هەرێم کوردستان.
چالاکوانەیل لە وسیانەگە دروشم "وەرخودان ژیانە" و "بژی وەرخودان روژاوا" بەرز کردن.
چالاکوان هێمن محمد وت: سوپای تورکیا و هیزەیل ئیرانی دووارە پەلامارەیل فاشیستیان لەبان گەل کوردستان جیوەجی کردن، و دووپات کرد ک هەردوگ رژیم ئیرانی و تورکی کەفتنەسە قەیران سیاسی و سەربازی و ئابووری قویلیگ، و خوازن وەردوام بوون لە زاڵبوون لەبان ئازادی ئەو گەلەیل وەڕی وەردەوامی ئی پەلامارەیلە.
محمد لە قسەیلی ئەرا ئاژانس شەفەق نیوز داوا لە نەتەوە یەکگرتگەیل و ریخریاگەیل جەهانی و مرۆیی کرد سزای تورکیا و ئیران بیەن، لەوەر دەسدرویژیکردن لەبان خوین عراقی، و هەمیش سەروەری وڵات.
