کوردستان...یەکەی نیشتەجیبوین تایبەت وە مەسیحیەیل
2022-09-26T07:27:34+00:00
شەفەق نیوز/ دەسەی بەرهەمهاوردن لە هەرێم کوردستان، ئمڕوو ددوشەممە، راگەیان وە نیاز بیناکردن یەکەی نیشتەجیبوین تایبەتن وە مەسیحیەیل لە شار هەولێر.
دەسەگە لە بەیاننامیگ رەسیە ئاژانس شەفەق نیوز وت، " ئی یەکەیل نیشتەجیبوینە لە ناوچەی عەنکاوەی شار هەولێر بیناکریەن و وەبان کراچیەیل ئاین مەسیحیەیل و کەم دەرامەتیل دابەشکریەێد"، وتیش،" ئەو یەکە نیشتەجیبوینەیلە وە لایەن ئەنجومەن وەزیرەیل هەرێم ئاراستەی بیناکردن کریایە".
بەرهەمهاوردن کوردستان لە بەیاننامەگە ئاشکەراکرد، " نرخەیل وەگورەی روبەر شوقە جیاوازن، ک پیشەکی شوقەی 80م، 4 هەزار دۆلارە، و شوقەی 100م ،5 هەزار دۆلار، شوقەی 120م 6 هەزار دۆلار، ماوەی قیستەگە ئەرا 15 ساڵە.
