کوردستان راگەینێد هەڵسەنگاندان گشتگیریگ ئەرا پەتای کۆرۆنا و خەڵاتەگان ئەرا کادرە تەندروسیەگان
2020-08-20T17:14:22+00:00
شەفەق نیوز/ ئمڕوو پەنجشەممە، هەرێم کوردستان ٤٨٣ تووشهاتن نوو وەڤایڕۆس کۆڕۆنا تۆمار کرد وەگەرد خاسەوبوین ٣٢٥ تووشهاتگ وهەمیش مردن ٢٤ بیمار لە ماوەی ٢٤ ساعەت گوزەیشتە.
سامان بەرزنجی لە گۆنگرەیگ رۆژنامەوانی ئەوە راگەیان.
وتیش؛ ئەو تووشهاتنەیلە لە تاقیکردنەوەی ٥٣٠٠ نموونە لە گشت تاقێگەیل شارەگان هەرێم دیاری کریانە لە ماوەی ٢٤ ساعەت گوزەیشتە.
هەمیش دووپاتکرد ک ئەوەسا وەزارەتەگە هەڵسەنگاندن گشتگیریگ ئەرا رەوشەگە لە هەرێم کەێد، سوو راگەینیەێد
.
لەباوەتیگ تر بەرزنجی راگەیان ک سەرۆک حکومەت هەرێم کوردستان بڕیگ پویل تەرخان کرد ئەرا کادرە پزشکیەگان ئەرا پشتگیری وهانداینیان لە کارەیلیان، وەگەرد ئەو مەترسیەیلەگ هالە دەوریان لە نواگردن ڤایڕۆس کۆرۆنا، وئەوەسا لە وەڕێوبەریە تەندروسیە گشتیەگان لە یەکشەممەی ئایندە دابەش کریەێد.
